1 қыркүйек - Білім күні құтты болсын!!!

Құрметті ұстаздар! Қымбатты оқушылар, ата - аналар !
Сіздерді бүгінгі жарқын да қуанышты, мереке Білім күнімен және жаңа оқу жылының басталуымен шын жүректен құттықтаймын!

«Білім алудың тамыры ащы, бірақ жемісі тәтті,»- деп бірінші ұстаз Аристотель айтқандай, білім мен өнер біздің болашағымыздың жарқын болуына бірден-бір кепіл екені даусыз.

🎊Бүгінгі ұрпақ әлемдік жаһандану кезеңінде білім бәсекесіне төтеп бере алатын, сапалы, халқымыздың рухани-адамгершілік құндылықтарын бойына сіңірген, нағыз Отансүйгіш тұлға болып қалыптасуы керек.

🎊Бүгінгі таңда білім саласында елімізде біршама игі істер атқарылып, оң өзгерістер болуда. Осы орайда баршамызға айтарым, ұрпақ тәрбиелеу деген ұлы іске ел болып өз үлесімізді қосайық!

Құрметті ұстаздар, оқушылар және ата- аналар!
🎊Алғашқы қоңырау үнімен басталған осы бір ерекше мерекемен тағы да құттықтаймын! Сіздерге жақсы көңіл-күй тілей отырып, жаңа оқу жылы жаңа жетістіктерге, игі бастамаларға , толағай табысқа толы жыл болсын!